అందాల రాక్షసి రివ్యూ

శపించని నన్ను నా గతం,
ఆలస్యమయిందని తనకు నీ పరిచయం.

నువ్వేనట ఇకపై నా జీవితం,
శాపమయినా వరంలా తోచింది ఈ క్షణం.

ప్రేమ ఎలా పుడుతుంది, ఎలా దూరమవుతుందో ఎవ్వరము చెప్పలేము. అలా చెప్పగలిగితే అందరమూ దేవుల్లమే. అలాంటి కథకే అందాల రాక్షసి అని పేరు పెట్టి పరిచయం చేస్తూ, తను కూడా పరిచయమయ్యాడు హను రాగవపూడి. మణిరత్నం, గౌతమ్ మీనన్, శేకర్ కమ్ముల లాంటి మేటి దర్శకుల చిత్రాలు, వారి చిత్ర సన్నివేశాలు ఎలా ప్రేక్షకులను అలరిస్తాయో అలాంటి చిత్రాన్ని కొత్తదనంతో కలిపి అందివ్వాలనుకున్నాడు ఈ నూతన దర్శకుడు.

ఇక కథ లోకి వెళితే డబ్బుని, పలుకుబడిని వదిలేసి హాయిగా జీవితం గడుపుతున్న గౌతమ్(రాహుల్) ఒక రోజు అనుకోకుండా మిథునని(లావణ్య) చూసి ప్రేమలో పడుతాడు. ఆత్మహత్య ప్రమాదం నుండి మిథునని(లావణ్య) కాపాడుకుని పెళ్లి చేసుకుందాం అనుకునే సరికి మిథున ఇంతకు ముందే సూర్యతో(నవీన్) ప్రేమలో పడ్డ విషయం తెలుసుకుంటాడు గౌతమ్. కాని సూర్య(నవీన్) చనిపోవటం తో మెల్ల మెల్లగా అతని జ్ఞాపకాలను మరిచిపోయి గౌతమ్ ని పెల్లిచేసుకోవటానికి ఇష్టపడుతుంది మిథున(లావణ్య). కాని కథలో అప్పుడే ట్విస్ట్ మొదలవుతుంది. మితునను(లావణ్య) ఒక దేవతలా భావించి గుడి కట్టి పూజిస్తున్న సూర్యను(నవీన్) గౌతమ్ గుర్తిస్తాడు. సూర్య బ్రతికే ఉన్నాడన్న విషయం తెలుసుకున్న గౌతమ్(రాహుల్) మిథునకు విషయాన్ని తెలియజేస్తాడు.

ఇక అప్పుడు ఏం జరుగుతుంది, మిథున ఎవరి ప్రేమను అంగీకరిస్తుంది, ఎవరిని పెళ్లి చేసుకుంటుంది అనేది మాత్రం మీరు తెర మీద చూడాల్సిందే.
“+” మాటల్లో తెలుగుదనం ఉట్టిపడటం, చిత్రీకరణ బాగుండటం, అక్కడక్కడ కవితలను వినిపించటం, మ్యూజిక్ అందరిని ఆకర్షించటం,
“-” ఫస్ట్ హాఫ్ లో కథ చాల నెమ్మదిగా నడవటం, అలాగే మామూలు ప్రేక్షకుడు అర్ధం చేసుకోలేనంతగా ట్విస్ట్ లు ఉండటం, అసలు కామెడీ ట్రాక్ లేకపోవటం, గౌతమ్ మాటలు బాగా అరిచినట్టు ఉండటం, ఇంకా స్టొరీ లో పంచ్ లైన్స్ లేకపోవటం.